Беларусачка

Розных кветачак у полі
Расцвіло нямала.
У прыполік
Наша Поля
Зранку іх збірала.

У вянку прыбегла ў хату
Прыгажуня русая.
Пахвалілі мама з татам:
– Наша беларусачка!

Бусел

Зноў вясна. Я весялюся,
Што крыляе белы бусел
Да гняздоўяў Беларусі.
Зычным клёкатам за працу
Заклікае дружна брацца,
Памнажаць сабе багацце.

Ганарымся мы Айчынаю,
Гаспадарку ладзім самі –
І пад крыламі буслінымі
Будзем жыць заможна з вамі.

Шчупак

Без прынады, проста так,
Трапіў на кручок шчупак.
Стала млосна шчупаку,
Як пакінуў ён раку,
Дзе жыруюць дзень пры дні
Карасі і акуні,
Дзе падводны ўвесь народ
Дружна водзіць карагод.

Памажыце шчупаку:
Кіньце зноў яго ў раку,
І насельнікі вады