Мухаморы

Мы — дзяўчаткі-невялічкі,
Носім белыя спаднічкі.
На галоўках капялюшык
З чырвані і белых мушак.
Нас, красунь, відаць здалёк,
Каб грыбнік знайсці нас змог.
Але нас ты не бяры,
Мы атрутныя ўнутры!

Каляровы букецік

Як цудоўна і прыгожа
Ў парку восеньскай парой!
Дома мы сядзець не можам
І гуляць бяжым з табой.
Розныя лісткі збіраем,
Кветак яркіх дабаўляем.
Каляровы той букецік
Маме хай падораць дзеці!