Карагод месяцаў

Вось ён, вось ён — месяц восьмы!
Жнівень золатавалосы.
Хлебасольны, урадлівы,
Ён саспеліў нашы нівы.
Ягады, грыбы, арэхі —
Нам прысмакі на пацеху.
Рады на зямлі старацца —
Шчодры плён прыносіць праца.
Колькі дзён — і птушкі шчыра
Зазбіраюцца ў вырай.
Развітаемся з буслом —
Ён памаша нам крылом.

Віка Трэнас

Прыкметы і прымаўкі

Кожная хата ў жніўні багата.
Жнівеньскі дзень год корміць.
Павуціна чапляецца да расліны — да цяпла і яснай восені.