Леанід Шырын
Цыбулька

Лета цэлае
Цыбулька
Працавала,
Аж пацела.
Сто сукеначак
Прыдбала
І адразу ўсе
Надзела.

Сяргей Грахоўскі
Вырас ураджай

Жнівень ходзіць па зямлі
Аграномам дбайным,
Пасылае на палі
Новыя камбайны
I гаворыць:
— Нагружай
Кузавы да неба,
Вырас добры ўраджай,
Будзе многа хлеба. 

Ніна Мацяш
Далей ад бяды

— Буслік, буслік, ты куды?
— Уцякаю ад бяды.

Жабіна малота
Гоніць прэч з балота:

Жабак, можа, з дзвесце —
Хочуць мяне з’есці!

Я ўжо сам не рады,
Што стаптаў ім грады…

Малюнак Віталя Дударэнкі