ЦЕЦЯРУК

Не кажы, што ён балбоча —
Гэтым голасам ён хоча
На ўвесь бор і баравіны
Даць сігнал пра паядынак,
Пра вясёлае ігрышча
На вясновым такавішчы
Абвяшчае, як трубой:
— Гэй, выходзьце на двубой!

Фота Сяргея Зуёнка

КУЛІК-САРОКА

Дзе такога браць на ўлік?
Як па дзюбе — ён кулік.
А зірнуць з другога боку:
Па адзенні — ён сарока.

Так і гэтак разважалі
І, нарэшце, запісалі:
Каб спыніць гэту мароку,
Будзе хай: кулік-сарока!

Фота Сяргея Зуёнка