Гульні

На дварэ люляе дрэва
Птушку з птушанятамі.
Не кладзецца толькі Ева,
Гульнямі занятая.

Шчэ не ведае малая
(Колькі там гадочкаў!):
Гульні не перагуляеш
І да самай ночкі.

Боцікі гумовыя 

Я па лужынах хаджу

Малюнак Віталя Дударэнкі

І пад ногі не гляджу,
Як надзену новыя
Боцікі гумовыя.

І цяпер паўсюль ваду
Я на вуліцах знайду.
Малайцы вы, новыя
Боцікі гумовыя!

Цяжкае пытанне

– Бабуля, скажы мне,
Мо ведаеш ты:
Ці ёсць у слана капыты?

Бабуля маўчала,
Не знала яна,
Ці ёсць капыты ў слана.

Бываюць у коней,
Аленяў, ласёў…
А болей на памяць
Ніхто не ішоў.

І разам рашылі:
Навошта нам слон?
Спытаемся ў дзеда.
Хай думае ён.