Не палохай, зіма!

Люты студзіць і пужае,
Снегу скрозь багата,
Ды дарэмна не пускае
Дзетак з цёплай хаты.
Не палохай нас, зіма:
Баязліўцаў тут няма!

Хто з канькамі, хто на лыжах,
Хто гуляе ў снежкі,
А мы з Ганначкай і Мішам
Пратапталі сцежку,
Каб уранку дзед Максім
Змог па вуліцы прайсці.

Замкі

Трэба замак –
на замок,
каб у замець
не замок.

Не замок,
не занямог,
каб стаяць
стагоддзі
мог.

Замкі –
варта на зямлі –
аж да нашых дзён
дайшлі.

Як дазор,
стаяць муры
ў Гродне,
Косаве,
Міры.

Расціслаў БЕНЗЯРУК

Малюнак Сяргея Волкава