Малюнак Віталя Дударэнкі

Мама купіла цукерак і паклала ў шафу. Вечарам дастала цукеркі, а іх толькі палова засталася.

— А ну прызнавайцеся, хто браў цукеркі? — спытала яна.

— Я не брала, — сказала Аленка.

— І я не браў, — апусціў вочы Сяргейка.

Маці сказала Сяргейку:

— Калі не браў, то скажы: “Чэснае слова”.

Сяргейка пасоп носам, пераступіў з нагі на нагу:

— Няхай лепш Аленка скажа: “Чэснае слова”.

— Усё зразумела, — усміхнулася маці. — Дрэнна, калі лазяць у шафу і дазволу не пытаюць.

Сяргейка аж падскочыў:

— А я спытаў бы, ды не было нікога дома. Чэснае слова, не было!

Васіль ХОМЧАНКА