Будаўнікі

Каля сцяжынкі –
Мурашынае шашы
Будуюць дом
Шматпавярховы
Мурашы.
Так дзень за днём
Яны шчыруюць ад душы,
Бо мурашы
Не хочуць жыць у шалашы.

Вясёлае знаёмства

Запытала ў мамы Зойка:
– Гэта што за птушка?
– Сойка.
Засмяялася дзяўчынка:
– Ледзь не цёзка мне пташынка!
– Ды ў адрозненні ад сойкі, –
Шчабятушка наша Зойка!

Пра ката

– Ой, разумны наш кот,

Малюнак Уладзіміра Жука

І вясёлы наш кот.
Ён бы мог вам такі
Разказаць анекдот!
Ды пакрыўдзіўся ён,
Што павысілі тон,
І вось зараз наш кот
Аб’явіў нам байкот.

Станіслаў Валодзька