Летнія парады

Уяві, бацькі вырашылі аддаць цябе ў лагер, а ты не вельмі каб хацеў. Табе цяжка пасябраваць з аднагодкамі, баішся, што будуць дражніць. Што рабіць?

1. Заўсёды захоўвай спакой, не паказвай страх і хваляванне

Уяві, што ты герой баевіка, па выразу твару якога нельга адгадаць, пра што ён думае.

2. Не падстройвайся пад большасць, а рабі тое, што любіш

Напрыклад, я прыдумляў фантастычныя гісторыі і ствараў у лагеры спектаклі, а мой сябар  маляваў партрэты, якімі захапляліся нават самыя апошнія хуліганы.

3. Не ўсё тое, што табе не падабаецца, кепска

Я нелюбіў танцы, а нас кожны вечар важатыя выганялі на дыскатэку. Але там аднаго разу мяне запрасіла на танец дзяўчынка, якая пазней стала маёй лепшай сяброўкай.

Васіль ДРАНЬКО-МАЙСЮК