Міхась СЛІВА

Васілёк прыйшоў у першы клас. Хлапчук такога малога росту, што з-за парты ледзь бачны. Настаўніца задае яму пытанне. Хлопчык адказвае. Раптам настаўніца перапыняе:

– Васілёк, запомні: калі я звяртаюся да цябе, ты павінен уставаць.
– А я – стаю! – адказвае хлапчук.

***
У дзень свайго нараджэння Юля глядзіць у люстэрка і гаворыць:
– Мама, мне ўжо шэсць гадоў, а я зусім не змянілася!

Браніслаў ЗУБКОЎСКІ

Сямігадовы Алесік звяртаецца да мамы:
– Хачу быць лысым, як наш тата.
– Чаму?
– Тады ты не будзеш цягаць мяне за чуб.

Таццяна СУЧКОВА

Алёна ўбачыла лася і запытала:
– Гэты лось носіць вешалку на галаве, каб да яго звяры часцей заходзілі ў госці?