Ц

Раз цікаўны цецярук
З мовазнаўцам слаўным Бусем
Слоўнічак чыталі ўдвух –
Слоў на Ц багата будзе:

Цмок, цюлень, цвыркун, цясляр,
Штосьці цяжкае – цяжар.
Ціхі, сціплы, хтосьці – ціхмяны,
Невыразны вельмі – цьмяны.

Даўганогі ў нас – цыбаты.
Адштурхне ваду цырата.

Ёсць цыбуля, цень, цягнік,
Цэгла, цукар, цацка, цвік…

Ты працягнеш пералік?

Тэкст Святланы БОГУШ

Іншыя літары рубрыкі «Бусеў слоўнічак»