ЦЁТКА

Мой сад

Люблю мой сад пад белым цветам,
Люблю зялёным як стаіць,
Люблю, як грушы спеюць летам
І як работай ён кіпіць.

Артур ВОЛЬСКІ

Грыбы

З моху выгнуўся гарбок,
а пад ім сядзіць грыбок.
Гэй, грыбок баравы,
не хавай галавы!

Вера ВЯРБА

Алоўкі колеру вясёлкі

Якія добрыя алоўкі
Мне ўчора тата падарыў.
Сабраны з колераў вясёлкі
І красак летняе зары.

Адам РУСАК

Мая мама

Мы з мамаю раніцай смажым аладкі,
Разгадваем з мамаю разам загадкі.
Мне мама купіла і ляльку, і мячык,
Мы з мамаю ходзім у садзік дзіцячы.

Малюнак Сяргея Волкава