Урывак з казкі пра Алфавіт

А

“А” – у пачатку “Ал-фа-ві-та”,
Засядае дзелавіта.
Сваё месца цвёрда мае
І нікому не ўступае.

Б

“Б” – у бу-бен моцна б’е,
Усім спакою не дае.
І грыміць, нібыта гром,
Вельмі гучнае: бом-бом!

Дж

“Дж” – да пчолак завітала,
Мёд збіраць дапамагала.
А калі бяда якая,
Тут жа джа-ла выпускае.

М

“М” – і Ма-ша ў лес хадзілі,
Дужа ягадкі любілі.
Назбіралі шмат чарнічак
І ма-лі-нак, і су-ні-чак.

Малюнак Ігара Ліпскага

Я

“Я” – хоць у канцы стаяла,
Але горда заяўляла:
– Я паважная такая!
“Ал-фа-віт” Я закрываю!

Таццяна ЧЭКЕД