Казкі сучасных чараўнікоў

Без футра жыў калісь мядзведзь,
Ды неяк часта стаў хварэць.

Мядзведзю футра Зай пашыў.
Быў Мішка рады ад душы.

І цёпла стала так яму,
Што ён праспаў усю зіму.

Чатыры месяцы прайшло –
Да Мішкі футра прырасло.

Мядзведзь сабраўся загараць,
Але не можа футра зняць.

З тае пары да нашых дзён
Заўсёды ў футры ходзіць ён.

Ніна ГАЛІНОЎСКАЯ

Малюнак Кацярыны Білан