Загадка

Маша жыве ў Мінску. У яе дружная сям’я, багата радні.

Маму Машыну завуць Марына, а тату — Лёня.

У Машынай мамы ёсць мама Ніна і тата Валодзя.

У Машынага таты ёсць мама Валя.

Маша любіць ездзіць у госці да мамінага брата Ігара і яго жонкі Тані. Гуляе там з іхнім сынам Антонам.

А ў другім доме жывуць татаў брат Саша, яго жонка Іра, іх дзеці — Насця і Ваня.

Цяпер адгадайце: як Маша называе маміных бацькоў — Ніну і Валодзю, татаву маму Валю?

Хто Машы мамін брат Ігар і яго жонка Таня? Хто татаў брат Саша і яго жонка Іра?

Якая Машы радня Антон, Насця, Ваня?

А кім даводзіцца сама Маша ўсім блізкім родзічам?

Уладзімір РАДЗЮКЕВІЧ