Вялікдзень – вялікае хрысціянскае свята, прысвечанае ўваскрэсенню Ісуса Хрыста. Пра Яго, Божага Сына, які нарадзіўся і жыў некалі на зямлі, раскажуць вам дома бацькі, у садзіку – выхавальнікі. У гэты дзень людзі, дарослыя і дзеці, ідуць у Божы храм, моляцца, свенцяць пірагі, мяса, велікодныя яйкі.

Вы, сябры, можаце дапамагчы маме ўпрыгожыць святочны стол. Велікодныя яйкі розных колераў прыгожа глядзяцца на белым абрусе ці ручнічку, побач з запаленай свечкай і пучком асвечаных вярбовых галінак.
Абуджаецца ад сну прырода. Ярчэй свеціць сонца. Высока ў блакіце спяваюць жаўранкі. Цвітуць першыя вясновыя кветкі – пралескі і сон-трава. Свята на ўсёй зямлі і ў небе.
І ў кожнага з нас таксама святочны настрой.