Якуб КОЛАС

На лузе

Добра ў лузе ў час палудны!
Лёгка там дыхнуць!
Хмаркі белыя марудна
За лясы плывуць.

Мікола ЧАРНЯЎСКІ

Матылёк

Матылёк лятаў, кружыўся
І за дзень зусім змарыўся.
Выбірае месца,
Дзе б яму прысесці.

Аляксей ПЫСІН

Карусель

Селі мы на карусель,
Хто баіцца – той кісель!
Карусель – на дваццаць пар,
З намі кружыцца ўвесь парк.

Сцяпан ГАЎРУСЁЎ

Кот-вуркот – вусы, як вуды –

Малюнак Аксаны Аракчэевай

Вырабляў аднойчы цуды:
З быстрай рэчкі пад мастом
Шчупакоў лавіў хвастом.

Артур ВОЛЬСКІ

Вожык

Вожык-вожык, дзівачок,
Не сціскайся ў кулачок!
Я наліў для дзівачка
Поўны сподак малачка.