Дзе схвалася капуста?

Цераз поле заяц скача.
Скача заяц, ледзь не плача.
У полі гола, у полі пуста.
А была калісь капуста.

А ці мышку адшукаеш?

Кот Вуркот сядзіць вуркоча,
Смачнае смятанкі хоча.
Калі зловіць коцік мышку,
Дам яму смятанкі міску.

Малюнкі Сяргея Волкава

Куды зніклі восем жабак?

Бусел важна выступае,
Жабянятак выглядае.
Ды хаваюцца малыя
У траве, бо не дурныя.

Дзе схаваны пяць зярнятак?

Верабейкі прыляцелі,
У радок на плот паселі,
Сталі ціўкаць-шчабятаць.
Трэба ім зярнятак даць.