Малюнак Кацярыны Білан

Якуб КОЛАС
Песня аб вясне

Уцякай, мароз-дзядуля,
Чуеш ты, стары, ці не?
На пагорках — булі-гулі! —
Песні чуюцца вясне.

Хведар ЖЫЧКА
Першы трамвай

Сонца ў вокны заглядае,
Будзіць: “Горад, уставай!”
Пасажыраў сустракае
Першы ранішні трамвай.

Леанід ДАЙНЕКА
Караблі

Як у моры караблі,
Хмары ў небе паплылі.
Скача дождык па страсе,
І спяваем мы ўсе.

Генадзь БУРАЎКІН
Вясновая казка

Звонка конікі стракочуць,
Ходзіць лесам цішыня.
Прытаіўся пасля ночы
Зай стамлёны каля пня.

Уладзімір МАЦВЕЕНКА
Ракетная лічылка

Села Света у ракету,
Абляцела вакол свету,
Глянула за небакрай –
Каго хочаш выбірай.