У і Ў

Уздыхае сумна Буся:
“З У ніяк не разбяруся!

Ёсць услон, ды можа ён
Перайначвацца ва ўслон!”

“З У заўсёды шмат турбот, –
Растлумачыў Бусю ўдод, –

Малюнак Анастасіі Гарбуновай

Бо складовае У пішам
Толькі пасля гукаў зычных,

Нескладовае ж заўжды
За галоснымі бяжыць!

Ёсць узгорак, узбярэжжа,
але ўюн, і ўзвар, і ўсмешка.

Вось такія літары
Гэтыя дзве хітрыя!”

Тэкст Святланы БОГУШ

А вы зразумелі, калі трэба пісаць У, а калі – У нескладовае? Падбярыце такія словы, каб хітрыя літары памяняліся месцамі.

Іншыя літары рубрыкі «Бусеў слоўнічак»