Малюнак Анастасіі Гарбуновай

Запытаўся трус у Бусі:
“Што такое слова тузін?”

“Гэта лік, тлумачыць той,
Словы з Т лічы са мной!

Тхор, трыснёг, таполя, ткач,
Твар, талерка і таўкач.

Словам тронкі ў нас завецца
Ручка лыжкі і відэльца.

Ёсць яшчэ трыпутнік, торба,
Тарка, твань – як злічым добра,

Дык тады і ведаць будзем,
Колькі слоў складаюць тузін”.

А вы здагадаліся, які лік абазначае слова “тузін”? Якія яшчэ словы на Т вы ведаеце?

Тэкст Святланы БОГУШ

Іншыя літары рубрыкі «Бусеў слоўнічак»