Мама просіць:
– З’еш катлету.
– Не і не, – ёй кажа Света.
Знізу пазірае котка:
– З’ем катлету я з ахвотай.

Бусел па балоце ходзіць.
Жабка скача па балоце.
Выглядае бусел жабку,
Каб схапіць яе за лапку.

Малюнак Аксаны Аракчэевай

Зайчаняты з татам Заем
У бары грыбы збіралі.
Цэлы кош прынеслі ў хату
Тата Зай і зайчаняты.

Кот купіў у краме вуду,
Абвясціўшы важна:
– Карасёў лавіць я буду
На рацэ на вашай.

Анатоль ЗЭКАЎ