Ёсць шмат паданняў адкуль паходзіць назва горада Магілёў. Самая вядомая легенда, што ён узнік на магіле Льва – вядомага разбойніка Машэкі. Пісьменніца Таццяна ПАЛЯКОВА адшукала яшчэ адну цікавую версію.

Даўным-даўно па свеце вандравалі індыйскія артысты-фокуснікі Маг і Леў. Трапілі яны на Беларусь.

Ім зайздорсціў чарнакніжнік Бурыдур. Ён таксама хацеў падабацца народу, але яго ніхто не любіў.

Адным лістападаўскім днём выступалі Маг і Леў на беразе Дняпра. Раптам пайшоў снег. Пачалася завіруха, якую начараваў Бурыдур.

Малюнак Улады Шуневіч

Як усё закончылася, народ глянуў, а замест любімых артыстаў – вялікі снежны курган. Кожны дзень вярталіся сюды людзі.

На гэтым месцы вырас горад, які назвалі ў гонар Мага і Льва – Магілёў.

А Бурыдур, на выступленні якога так ніхто і не хадзіў, ад злосці ператварыўся ў трухлявы пень.