Ад любові

Алесь дурэў з малодшаю сястрычкаю. Раптам тая заплакала.
– Што з табою, Ірачка? – спытаў бацька.
– Алесь мяне ўкусіў…
А той заспяшаўся:
– Я ж так люблю сваю сястрычку.

Алесь-крытык

Неяк вечарам дзед Андрэй пачуў ад унука Алеся брыдкае слова.
– Гэтак нельга гаварыць! – паўшчуваў дзед.
А той:
– Няхай і маці так не гаворыць.

І каўбаску

Дарослыя гавораць паміж сабою:
– Хутка вясна, паедзем на дачу, пасадзім кветкі, пасеем моркаўку, бурачкі.
Алесь уважліва слухае, дадае:
– І каўбаску…

Павел КАВАЛЁЎ