Буся суму не паддаўся:

Націсні для павелічэння

Зноў за справу спрытна ўзяўся.

Ён са слоўнічка ўсе спрэс
Выбраў словы з першай С:

Слон, сабака, смоўж, слімак,
Стронга, сарна, сіваграк,

Столь, страха, сланечнік, спіна,
Сподак, студня, слуп, сцяжына.

Ягады на С – суніцы,
А адзенне з С – спадніца.

Ёсць святляк, сумёт, сервіз…
Ты працягнеш Бусеў спіс?

Тэкст Святланы БОГУШ

Якія яшчэ словы на С вы ведаеце? Дапамажыце Бусю дапоўніць спіс слоў.

Іншыя літары рубрыкі «Бусеў слоўнічак»