Антон БЯЛЕВІЧ
Пчаляр

Між вуллёў пчаляр ідзе,
Цвет над ім лятае.
А на белай барадзе
Пчолка залатая.

Малюнак Аксаны Аракчэевай

Канстанцыя БУЙЛО
Дзіцячы сад

Нас усіх у сад дзіцячы
Водзяць мамы. Мы не плачам.
Я дык нават вельмі рад,
Што іду ў дзіцячы сад.

Марыс ЧАКЛАЙС
Жолуд

Жолуд-жалудзя
дрыжыць, як дзіця,
пад ліст схаваўся ўвесь,
баіцца – свінка з’есць.

Пераклад Анатоля ВЯРЦІНСКАГА

Аўгіння КАВАЛЮК
Мыюцца кацяняты

Лапкай мяккай без вады
Умываюцца каты.
Так, як мамы, так, як таты,
Мыюцца і кацяняты.