Адкрыў у сабе Мацейка дар,

Малюнак Юліі Давыдавай

Што ён выдатны гаспадар.
Глядзіць, каб пылу не было,
Каб чыстым стала ў шафе шкло.
За ім дзядуля назірае,
Як ён свой столік прыбірае
І складвае ў шуфлядку лоўка
Свае асадкі і алоўкі.
Сябры, ніколькі не маню:
Мацейка любіць чысціню.

Татачкі і мамачкі, калі раптам вашыя дзеткі не любяць наводзіць парадак, для іх ёсць цудоўная гульня!

1. Завядзіце сына ці дачку ў прыбраны пакой. Хай запомняць, дзе што ляжыць.
2. Зрабіце знарок вялікі непарадак.
3. Дайце ім усяго 5 хвілін, каб яны ўсё дакладна паставілі на свае месцы.
4. Калі хоць нешта будзе стаяць не так – адзін лік у вашу карысць. Так можна гуляць у некалькі таймаў. З кожным новым таймам час на прыбіранне скарачаецца. Пераможцу можна ўзнагародзіць медалём “Кароль прыборкі”.

Калі спадабаецца, то пачынайце кожную прыборку ў вашай кватэры з гэтай гульні!

Навум ГАЛЬПЯРОВІЧ