Малюнак Анастасіі Гарбуновай

Буся з пеўнем сябравалі,
Разам словы з П шукалі.

Певень кажа: “Ў хаце нашай
Ёсць падстрэшак і паддашак,

Пяць прыступак да парога,
Печ, паліцы і падлога.

Тут – падмурак і парэнчы,
А за плотам – куст парэчак”.

Буся поруч з пеўнем стаў.
Слоў на П і ён шмат знаў:

“Прас, палын, павой, півоня.
Поўны месяц у нас – поўня.

Паліто, пінжак, пальчатка,
Парасон, паштоўка, папка.

Так паволі, пакрысе
Мы запомнім словы ўсе!”

Тэкст Святланы БОГУШ

Іншыя літары рубрыкі «Бусеў слоўнічак»