Ты ідзеш у школку

Малюнак Юліі Давыдавай

Ці ў дзетсад, на Ёлку,
Хочаш быць вясёлым –
Загляні ў “Вясёлку”:

Будзь заўсёды з ёю –
Летам і зімою.
Яна ў нас чароўная –
Сямікаляровая.

Усе мудрасці свае
Нам перадае.

А хто літараў не знае
Ці не ўмее размаўляць,
Мама “Бусю” прачытае,
Скажа, як запамінаць.

А яшчэ, сябры, вось што
Па сакрэту вам скажу:
Мне ўжо хутка будзе сто.
Бо з “Вясёлкаю” дружу.

Іван МУРАВЕЙКА