Сябры, вы, зразумела, ужо прачыталі трэці нумар нашага часопіса «Вясёлка». Як вы памятаеце, гэты нумар быў прысвечаны Польшчы. Рэдакцыя прапануе вам адказаць на пытанні, якія звязаны з нашай суседкай-краінай.

Якая рака працякае праз сталіцу Польшчы?
Назавіце галоўныя марскія порты краіны.
Чыё імя носіць польскі Музей літаратуры?
Які вядомы польскі кампазітар нарадзіўся 200 гадоў назад?
Якую назву мае былы лагер смерці, створаны ў часы Другой сусветнай вайны на тэрыторыі Польшчы?

Калі ласка, дасылайце свае лісты з адказамі ў рэдакцыю. Памятайце пра тое, што найбольш цікавыя з іх будуць адзначаны падарункамі ад пасольства Рэспублікі Польшча.