О

Буся дзівіцца з таго,
Што так мала слоў на О:

Одум (тое ж, што і роздум),
Омуль, опера і ордэн…

Іх зусім няшмат, бо О
Пачынаць не любіць слоў,

А часцей за ўсё сабе
На падмогу кліча В.

І таму мы пішам “вока”,
“Востраў”, “воблака” і “вольха”.

Буся правіла запомніў
І далей гартае слоўнік.

Тэкст Святланы БОГУШ

А вы ведаеце яшчэ якія-небудзь словы на літару О?

Іншыя літары рубрыкі «Бусеў слоўнічак»