Мой лепшы сябар

Дружба

Дружбу нельга купiць,
Без яе цяжка пражыць.
Дружбу складана знайсцi,
Міма яе лёгка прайсці.
Над дружбай сваёю працуй!
Яе ты заўсёды шануй!

Варвара ВОЛКАВА,  СШ №116 г. Мінска, 6 “А” клас

Люблю «Вясёлку» і вам раю!

Маё знаёмства з беларускай літаратурай пачалося з “Вясёлкі”. Настаўніца прынесла яе ў клас. Часопіс спадабаўся – там было шмат малюнкаў і цікавых казак. Потым настаўніца папрасіла аформіць падпіску, сказала, што пазакласнае чытанне будзем праводзіць  па творах, надрукаванных у часопісе. Дома бацькі парадаваліся прапанове, бо ведалі “Вясёлку” яшчэ з часоў свайго дзяцінства. Праз год адбылося непрадказальнае! Да нас прыйшлі ў клас і папрасілі выпісаць дзіцячую газету замест любай “Вясёлкі”. І настаўніца амаль пагадзілася. Бацькі былі супраць! Часопіс “Вясёлка” карысны, дапамагае вывучаць мову, рыхтавацца да заняткаў, знаёміць з творамі пісьменнікаў, сучасны і займальны! Люблю “Вясёлку” і малако, і вам раю!

Вераніка ХОДЗІНА, гімназія №14 г. Мінска, 8 гадоў