Міма шыльдаў, міма крамаў,
Міма ровараў без рамаў,

Міма лавак, міма клумбаў,
Міма тэатральных тумбаў,

Міма рынку, міма парку,
Паўз машыну-іншамарку,

Міма кветак у вазонах,
Па сцяжынках, па газонах

Крочу да фантана, дзе
Буду плёскацца ў вадзе!

За руку прыводжу татку:
Ён хацеў пісаць нататку,

Але трапіў пад струмень –
У яго няўдалы дзень.

Бо дарослыя не ў стане
Мокнуць радасна ў фантане.

Андрэй ХАДАНОВІЧ