Казачны год разам з “Вясёлкай”

Якая зімовая казка ваша любімая? Напэўна, многім адразу згадалася “Снежная каралева”. Яе напісаў славуты дацкі пісьменнік Ханс Крысціян Андэрсен сто семдзесят гадоў таму. Напачатку казка была вершаваная, але пазней пісьменнік яе перапрацаваў і дапоўніў. “Снежная каралева” стала адной з самых доўгіх і цікавых казак Ханса Крысціяна Андэрсена.

Ці памятаеце вы, як звалі галоўных герояў казкі? Каго пазналі на гэтай старонцы? Якія яшчэ зімовыя казкі ведаеце і любіце? Дасылайце свае адказы на адрас рэдакцыі або на электронную пошту vyaselka2011@yandex.ru. Аўтары самых цікавых лістоў атрымаюць падарункі.

Дарагія сябры! Наш казачны год завяршаецца, але цуды і казкі застаюцца ў жыцці заўсёды. Мы вельмі ўдзячныя ўсім удзельнікам нашай віктарыны, якія дасылалі цікавыя, змястоўныя лісты, адказвалі на пытанні, расказвалі пра свае любімыя творы. У наступным годзе вас чакае нямала сюрпрызаў ад “Вясёлкі”. Новыя праекты, новыя конкурсы, новыя рубрыкі. Заставайцеся разам з намі! Чытайце і выпісвайце “Вясёлку” і “Бусю” – найлепшыя беларускія часопісы!