Ці ведаеце вы, чаму шуміць марская ракавіна? А якая самая вялікая жывёла ў свеце? А можа, чулі пра паўночнага папугая? Калі не, то вам трэба пачытаць кніжку “Таямніцы Дзеда Усяведа”, што пабачыла свет у выдавецтве “Адукацыя і выхаванне” ў серыі “Бібліятэка часопіса “Вясёлка”. Хто ж склаў гэтую цікавую і пазнавальную кніжачку? Беларускія пісьменнікі, якія на працягу многіх гадоў адкрывалі таямніцы свету на старонках часопіса “Вясёлка” ў рубрыцы “Дзед Усявед расказвае”. З гэтай рубрыкі выйшлі і вядомыя ўсім нашым чытачам “Хвілінкі-весялінкі”. Адкрывайце таямніцы прыроды разам з “Вясёлкай”!