Сябры, дасылайце свае адгадкі на адрас рэдакцыі. Хто першы правільна разгадае ўсе загадкі, атрымае кнігу Аксаны Спрынчан у падарунак.

*

Ён піць дае зямлі і кветкам,
Пад ім так любяць бегаць дзеткі.
Ён крапае, ідзе і лье,
Па даху-барабане б’е.

*

Ён наткаў нам павуціны
Не ў куце, не ля карціны.
Ён нябачны выткаў свет,
Майстра ткацтва – ……..

*

Ён мае рожкі, ён не ходзіць,
Ён нават зайчыкаў падвозіць.
І дзіркі любіць у квітках,
І ездзіць толькі па дратах.

*

Такое жоўтае яно,
І растае, і замярзае.
Яго і ў кáшы не відно,
А з-пад каўбаскі вызірае
І пад сабою хлеб хавае.

*

Едзе ён угору й долу.
І ніколі – убакі.
І яму не трэба колы.
Здагадайся – хто такі?

*

Такая мяккая яна,
На ёй так добра давідна.
На ёй не трэба парасон,
На ёй заўжды прыходзіць сон.

Аксана Спрынчан