Пры  правядзеннi  ўрокаў  працоўнага  навучання  i  выяўленчага мастацтва можна карыстацца   распрацоўкамi «Вясёлкi». Напрыклад, часопiс  неаднаразова  знаёмiў  сваiх  чытачоў  з  выцiнанкай  i  нагадваў пра захаванне народных беларускiх традыцый. А красавiцкi нумар за 2008 год навучыў упрыгожваць велiкодныя яйкi.

А  яшчэ  пры  падрыхтоўцы  ўступнай  часткi  ўрокаў  працоўнага навучання  i  выяўленчага  мастацтва  варта  выкарыстоўваць  добрыя вершы  па  тэме  ўрока. Яны  дапамогуць  вучням  прыўзняць  настрой  i лепш выканаць работу.

Станiслаў Шушкевiч «Ганчары»

Мы былi на глiнiшчы,

Бралi глiну ў прыгаршчы.

Шмат на лаўку нанасiлi,

Замяшалi, замясiлi,

Наляпiлi гладышоў,

Мiсак, сподкаў, спарышоў.

Сохне посуд на двары,

Хiба ж мы не ганчары?

Нiна Галiноўская «Не магу зляпiць»

Я зляпiла з пластылiну

Вiнi– Пуха, Бурацiна,

Чабурашку, бегемота,

Пуму, зебру i янота.

А старую Шапакляк

Не магу зляпiць нiяк.

Не шкада –

Бяда малая:

Шапакляк такая злая!