Вывучаць гiсторыю роднага краю заўсёды цiкава. Тут на дапамогу падручнiку таксама прыйдзе часопiс «Вясёлка». У iм працуе рубрыка «Наша спадчына», у якой ужо шмат гадоў друкуюцца апавяданнi пра вядомых  гiстарычных  асоб,  знакамiтых  пiсьменнiкаў.  Вельмi  цiкавы цыкл апавяданняў У. Лiпскага пра нашу Радзiму з дамашнiмі заданнямi, прапанаваны ў 2008 годзе. («Гiсторыя», «Браты», «Вобласцi», «Раёны», «Гарады», «Вёскi», «Сталiца», «Радавод».)

Напрыклад: «Паспрабуйце разгадаць тайну назвы вашай вёскi альбо вёскi вашых бабуль i дзядуляў, даведайцеся яе гiсторыю, напiшыце пра людзей, якiя там жывуць».

Адгорнем  першыя  старонкi  кнiгi  Уладзiмiра  Лiпскага  «Я  тут жыву»:

Мая Беларусь…

Не голас, сэрца прамаўляе гэтыя словы, –

з любоўю, з гонарам,

з душэўнай пяшчотай.

Тут –  наша гiсторыя.

Тут –  мае каранi.

Тут –  напеўная родная мова.

Тут –  жывём мы!

Вельмi  запатрабаваная  рубрыка  «Музей  Васi  Вясёлкiна»,  у якой  дзецi  знаёмяцца  са  старажытнымi  прадметамi  побыту  i  iх прызначэннем. Што  такое  абрус,  грэбень,  каснiкi  i  iншыя прадметы, якiя  былi  i  ёсць  спадарожнiкамi  беларусаў  на  працягу  стагоддзяў, –   пра гэта дасціпна расказвае паэт Мікола Маляўка, аўтар выдатнай кнігі  «Спадчына,  або Хата  з матчынай  душой». У  даступнай форме часопiс  расказвае  пра  беларускiя  прадметы  побыту,  i  цудоўна,  калi дзецi будуць добра  знаёмы  з  iмi. Нібыта ў сапраўдным музеi пабылi. А пасля можна зрабiць падарожжа ў краязнаўчы музей свайго горада цi  вёскi,  адправiцца  на  экскурсiю  па  iншых  мясцiнах  Беларусi.  Тут ужо можна самiм вучням пабыць у якасцi экскурсавода i прапанаваць успомнiць сваёй экскурсiйнай  групе, з якiмi прадметамi пазнаёмiў  iх «Музей «Вясёлкi». Вось дзе спатрэбяцца гэтыя веды.А з 2008 года ў часопiсе распрацаваны каляровыя карты Рэспублiкi Беларусь, якiя знаёмяць вучняў з усiмi абласцямi краiны, жывёльным i  раслiнным  светам,  асноўнымi  галiнамi  прамысловасцi. 
У  4  класе вучнi  пачынаюць  вучыцца  працаваць  з  атласам  i  контурнай  картай. Карты «Вясёлкi» дапамагаюць зрабiць  i гэты працэс больш цiкавым i вясёлым.Варта яшчэ адзначыць  i конкурсы «Люблю Беларусь»  i «Самая дарагая рэч у  вашай  сям’i»,  у  якiх  кожнаму  хлопчыку  i  дзяўчынцы дадзена  магчымасць  праявiць  свае  творчыя  здольнасцi  i  стаць удзельнiкам (а можа, i пераможцам) конкурсу.
Сапраўдную  дапамогу настаўніку прынясуць  творы Васіля Віткі «Беларусь», Анатоля Грачанікава «Беларускія краявіды», Веры Вярбы   «Мой край», Артура Вольскага «Беларусь», Генадзя Бураўкіна «Наша песня», Анатоля Грачанікава «Народ  і песні», Эдзі Агняцвет «Зямля з блакітнымі вачамі», Алега Лойкі «Чый ты будзеш?», Уладзіміра Мазго «Назвы, родныя здавён» і іншыя творы пра Радзіму.