Нацыянальная кітайская вопратка шыецца з шаўковай тканіны. Гісторыя кітайскага шоўку налічвае пяць тысяч гадоў. Старажытныя кітайцы навучыліся выкарыстоўваць прыродныя магчымасці такога насякомага як тутавы шаўкапрад. З яго коканаў атрымліваюць валакно, вырабляюць шаўковую тканіну.

У старажытнасці гэта трымалася ў сакрэце. Выраблялі шоўк на берагах рэк Хуанхэ, Янцзы і ў правінцыі Сычуань. Кітайскі шоўк гладкі, атласны. Раней усіх кітайскіх дзяўчат вучылі вышываць па шоўку шоўкавымі ніткамі ўзоры на тканінах, абутку, веерах, карцінах. Некалі вырабы з шоўку насілі толькі імператар і вельмі вядомыя, заможныя людзі. Гледзячы на чалавека і яго вопратку, можна было сказаць, ці багаты ён.