Кітайская каліграфія – старажытнае мастацтва пісьменнасці. Яно развівалася ад надпісаў на костках і панцырах чарапах, каменных барабанах, бронзе да стыляў дачжуань, сяачжу- ань, лішу і пазней да зацверджаных стандартаў – цаашу, кайшу, сіншу і іншых.
Кітайская каліграфія – гэта ўнікальны прыклад выяўленчага мастацтва. Іерогліфы – аснова, базавы элемент кітайскай культуры. Заснаванасць на іерогліфах – галоўнае адрозненне кітайскай каліграфіі ад іншых відаў пісьма.
Для каліграфіі выкарыстоўваюць спецыяльныя пэндзлі. Яны даўжэйшыя за звычайныя, а кончык даволі цвёрды. Напісаныя з іх дапамогай іерогліфы адрозніваюцца ад стандартнага напісання. А часткова іх нават складана пазнаць.
Яшчэ адна асаблівасць – на кожным скрутку абавязкова паказана імя мастака, які зрабіў надпіс.

#сябруемзкітаем
Сумесны праект з Інстытутам Канфуцыя БДУ