Карагод месяцаў

Вядомы шосты месяц года
Нясе нам розныя прыгоды.
З ім лета паскарае ход,
Натхняе доўгі дзень на спорт.
У браму мы закінем гол,
Калі згуляем у футбол.
У роварах надзьмем мы колы,
І дзе красуе ў кветках поле
Паедзем, ці да рэчкі шпаркай
У лодках плыць або ў байдарках.
Парою гэтай добра ў лесе:
Паходы, гульні, сонца, песні!
Суніцы ўжо бяруцца ў чырвань.
Цябе мы любім, месяц чэрвень!

Віка ТРЭНАС

Прыкметы і прымаўкі

Дзе летам кветак карагод, там і пчолы, там і мёд.
Вясёлка к вечару — да добрага надвор’я.
Лета з камарамі — зіма з пірагамі.
Не сей пшаніцы, калі дзеці ідуць у суніцы.
Не спрачацца расе з сонцам.