Усе на вуліцу гайда!

Малюнак Кацярыны Маслоўскай

Там шумна коціцца вада.
Няма ёй часу адпачыць –
яна пяе, яна цурчыць.
Блішчыць пад вокнамі
ад ранку,
імчыць, бяжыць безперастанку
ля плоту, ганку,
па двары,
даўно сарваўшыся
з гары.
І не спыніўшыся
ля ног,
нясецца радасная ў лог.
Гудзе
і пеніцца званчэй
і разганяецца хутчэй
па баразне, па раўчуку…
І раптам плюхнецца ў раку.
Хоць ёй і весела яшчэ –
далей спакойна пацячэ.

Мар’ян ДУКСА