Гульні Васі Вясёлкіна

Гэта гульня для сапраўдных дэтэктываў. Але спярша праверка. Адгадай, чыя версія правільная?

Націсні для павелічэння

Ну, вядома, праўдзівая версія – унука. Бо з камп’ютарных гульняў яшчэ ніводныя зайцы не выбіраліся, а слабенькае казлянятка не можа паваліць плот і аб’есці ўсю капусту. А цяпер паспрабуй згуляць у такую ж гульню са сваімі сябрамі. Для гэтага трэба:

1)    Падзяліцца на дзве каманды.

2)    Прыдумаць сваю гісторыю (што магло б адбыцца ў пакоі, у парку, на дачы – гледзячы, дзе гуляеце), падрыхтаваць рэквізіт, які затым па чарзе раскласці на месцы гульні.

3)    Гісторыі могуць быць якімі заўгодна: галоўнае, каб вы змаглі іх разгадаць.

Напрыклад: на падлозе ляжыць дзённік з двойкай, валяюцца некалькі вешалак і парожняя банка мёда Адкрытае акно. На стале – кніга пра Карлсана і карта любога акіянічнага вострава, вісіць фотаздымак строгіх бацькоў. Разгадка простая: хлопчык, атрымаўшы чарговую двойку, баіцца гневу таты і мамы. Ён выклікаў Карлсана, які за банку мёду абяцаў даімчаць яго да бліжэйшага трапічнага вострава.

Прыдумаў Васіль Дранько-Майсюк