Пастаўленае пытанне
даўно не дае спакою.
Задачу рашыць мы ў стане,
якой ні была б цяжкою!

Калі агурок не спявае –
ні ўдзень, ні ўначы, ніколі
душа не пяе жывая! –
То, пэўна, з Божае волі?

Спяваю бы песні салоўкі –
і як бы ўдалеч нясло іх!
Ды лье на кухні сталоўкі
зялёныя слёзы ў слоік.

Мінаюць зімы і вёсны,
а ты – гарадскі, вясковы –
ці помніш пра невыносны
маўклівы лёс агурковы?

Канстанты Ільдэфанс Галчынскі

З польскай мовы
пераклаў Андрэй Хадановіч