Малюнак Валянціны Чэпік

Ласунак жаданы ў спякотныя дні –
Ад Дзеда Мароза яго карані.
Бо сонца не любіць. Без холаду гіне.
Шмат з’еў – і адкрыта дарога ангіне.
(Марожанае)

Бывае ён чорны, малочны і горкі,
З арэхам, які гэтак любяць вавёркі.
Бывае з разынкамі і з мармеладам.
І дзеткі яму, і дарослыя рады.
(Шакалад)

Ён самы галоўны, сябрамі багаты,
Яго прапануюць да кавы, гарбаты.
З ім вараць варэнні, кампоты і сок.
На выгляд ён белы салодкі пясок.
(Цукар)

Вольга САВАСЦЮК