Дарагія сябры! Лета ў самым разгары, а значыць, канікулы працягваюцца. У вас наперадзе яшчэ шмат цікавых сустрэч, вандровак, гульняў… Не забывайце і пра кніжкі: наш конкурс для чэмпіёнаў чытання працягваецца, і мы чакаем ад вас водгукі на прачытаныя за лета творы.

Ваш любімы часопіс падрыхтаваў для вас яшчэ адно заданне. Напэўна, многія з вас ужо пабывалі ў цікавых падарожжах. А можа, вас яшчэ чакае вандроўка па цікавых мясцінах Беларусі або па замежжы? Або вы бавіце лета ў вёсцы?

Выберыце самы цікавы і прыгожы здымак са свайго летняга адпачынку, падарожжа і дашліце яго разам з кароткім аповедам пра мясціны, дзе ён зроблены, на адрас рэдакцыі або на электронную пошту vyaselka2011@yandex.ru. Здымкі змесцім на сайце www.veselka.by, а некаторыя з іх надрукуем на старонках часопіса.

Заставайцеся разам з намі! Чытайце і выпісвайце “Вясёлку”!

Вася ВЯСЁЛКІН