Хвілінкі-весялінкі

Дзе вада – там і жыццё

Ці задумваліся вы, наколькі нам неабходна вада?  Без возера, ракі, крыніцы гіне ўсё. Чалавек можа пражыць без вады толькі тры дні, і ён сам больш чым на 60 працэнтаў з яе  складаецца. Атрымліваецца, што вада займае значнае месца ў жыцці людзей. Таму няма нічога дзіўнага, што старажытныя цывілізацыі ўзніклі на берагах вялікіх рэк. Напрыклад, Егіпет – на Ніле, Шумерскае царства – у даліне рэк Тыгра і Еўфрата, старажытнаіндыйскія дзяржавы –  на Індзе, кітайскае царства  Інь – на Хуанхэ.

Большасць гарадоў Беларусі размешчаны на рэках і азёрах. Якія? Прапаную вам даведацца самім. Для гэтага назвы гарадоў суаднясіце з назвамі рэк, на берагах якіх яны ўзніклі.

Рэкі                                                                       Гарады

Бярэзіна                                                                Гродна

Свіслач                                                                 Тураў

Дняпро                                                                  Бабруйск

Прыпяць                                                               Орша

Нёман                                                                    Мінск

ТЭРЫТОРЫЯ ЭРУДЫТАЎ

Якая рака ў свеце самая доўгая?

Дадайце патрэбныя галосныя – і атрымаеце адказ.

.М.З.НК.