Лялька

Я даўно вучуся ў школе,
У чацвёрты клас хаджу,
Але лялькаю сваёю
І сягоння даражу.

Узяла я казак кніжку
І кажу: “Чытай, Марышка”.
На мяне яна глядзіць
І маўчыць, маўчыць, маўчыць.

Я Марышку разумею:
Сумна ёй – чытаць не ўмее.
Пасаджу бліжэй да кніг,
Буду ёй чытаць услых.

Ірына Будай, г. Дзяржынск, гімназія № 1.

На каньках

Едзе певень на каньках,
Разагнаўся – проста жах.
Ён праехаў увесь лёд
І з разгону – скок на плот.
Заспяваў: “Ку-ка-рэ-ку-у!
Заўтра можна на ра-ку-у”.

Ніна Галіноўская