Мы прыгожа апраналіся,
мы на вуліцу збіраліся!
Усе сукенкі са спадніцамі,
камізэлькі з нагавіцамі,

шорты, топікі з цішоткамі,
джынсы, легінсы з калготкамі —
усе строі перамералі,
абмяняліся памерамі.

Мераць пачыналі зраніцы,
кшталту — хто хутчэй апранецца.
Дзень застаў нас — мы спяшаліся,
мы спаборніцтвам займаліся!

Справа так дайшла да вечара,
апрануліся нарэшце мы!
Тата с працы ўжо вяртаецца,
нас дадому зваць збіраецца…

— Мы ж на выхад скіраваліся!
— Чым вы цэлы дзень займаліся?
— Мы прыгожа апраналіся!
— Мы на вуліцу збіраліся!

Дзед Бялын